簡單= 快樂

原來同你鍾意的人, 或好朋友, 做一d 好簡單的事,

也可以很開心, 很滿足,

可能香港人太忙, 又或者生活太多采多姿, 社會太資訊發達, 身邊太多娛樂,
試諗下, 你同家人, 朋友, 情人一齊的時間(食飯/出街/ 飲茶), 點都唔可以專心, 身邊總會有d.............
好似電器(電腦, 電話, 電視, iphone, ipod), 或一d資訊放唔低(msn, sms, facebook, 電話, 電視節目, 報紙, 雜誌, 周圍的人傾d 咩), 令你冇可能專心完成一件同你身邊的人一齊做的事,

但今晚, 做左一件好簡單的事, 完全冇特別, 但俾到我覺得好舒服, 好relax, 好開心,
今晚去左西頁滿記買左糖水, 之後去左對住個海慢慢食, 感覺好好, 好平靜, 周圍冇咩人, 對住個海,
真係好舒服, 唔趕時間, 冇電話, 冇電視, 冇其他人嘈住, (雖然都有開radio), 但可以慢慢食, 慢慢傾, 好正,

香港太多誘惑, 太多資訊, 太忙, 好難得會有時間好平靜,好專心去做/ 享受一件事情,

今日感覺真係好特別, feel so good, 簡單事俾到很好的效果, 令我"好滿足, 好幸福, 好開心"